कांद्यामुळे शेतकऱ्याच्या डोळ्यात पाणी

    गेल्या वर्षभरापासून कांद्याच्या बाजारामध्ये सतत घसरण होत असून शेतकऱ्यांना बाजारपेठेमध्ये कांदा नेहने सुद्धा परवडत नाही. कांद्याचा उत्पादन खर्च आत्ताच्या बाजारभाव प्रमाणे निघत नाही त्यामुळे शेतकरी मोठ्या प्रमाणात आर्थिक संकटात सापडलेला दिसून येत आहे. शेतकऱ्यांचा मोठ्या प्रमाणात पिकवलेला कांदा अजूनही वखारी मध्ये पडून आहे. बाजार वाढेल या आशेमुळे शेतकऱ्यांनी कांद्याची साठवणूक करून ठेवलेली आहे. वातावरणाच्या सतत बदलामुळे वखारीतील कांदा नासण्याचे प्रमाण वाढू लागले आहे.

त्यामध्ये शेतकऱ्यांनी काही भागांमध्ये मोठ्या प्रमाणात कांदा लागवडीसाठी सुरुवात केलेली आहे. .साठवणूक केलेल्या कांद्याला बाजार मिळेल का नाही या चिंतेमध्ये शेतकरी मोठ्या प्रमाणात दिसून येत आहे. कांद्यासाठी सरकार काय करेल का असा सवाल सध्या शेतकरी विचारताना दिसत आहे .